Ginhinalaan sa ginhiwat nga sinapol sang Liga sang mga Barangay ang sitwasyon sang kalinong kag katawhay sa mga barangay sa syudad sang Roxas.
Ginpangunahan man ang sinapol ni ABC President Roberto Ross Roldan kag gintambungan ang amo nga sinapol sang mga Punong Barangay kag iban pa nga opisyal sa amo man nga syudad.
Sa interview sang Bombo Radyo kay Hon. Roberto Ross Roldan Committee on Barangay Affairs and Community Development, suno sa iya nagapanguna nga gintalakay sa sinapol amo ang sitwasyon sang Peace and Order sang Roxas City kag ang kampanya batuk sini sa iligal nga druga.
Ginpahayag man sini nga Drug Cleared na ang Barangay Adlawan apang suno sa iya bisan drug cleared na ini under-surveillance pa ini sa gihapon sang mga kapulisan.
Dugang pa sini, gintalakay man ang mga estratehiya sang Barangay sa pagpatigayon sang Drug Clearing sa ila tagsa ka nasakupan kag pag monitor sa mga Drug Surrenderees kon bala ini sila ang wala na nagbalik pa sa nasambit nga bisyo.
Nagpabutyag naman sang hugot nga suporta ang mga opisyal sang Barangay kay Lieutenant Colonel Ricardo Jomuad, Jr., hepe sang Roxas City PNP sa kampanya nga matapna ang pagduging sang iligal nga druga sa kabarangayan.
Nagpanugyan man ini sa mga pumuluyo nga untaton na ang pag gamit sang illegal nga mga buluhaton kag padayon ang paglibot sini sang mga katapo sang kapulisan kag sang ila man sini nga mga opisyal agud mamentinar ang kalinong kag katawhay sa palibot man sini sang ila man nga barangay.
