ROXAS CITY – Emosyunal ang iloy sang 13-anyos nga solterito matapos nga naghikog ang anak sa sulod sang abandonado nga balay sang iya lolo sa Barangay Rizal, Pontevedra, Capiz.
Ginpahayag ni Mylene Yap, iloy ni alyas Noynoy nga ginkakibot sang isa niya nga anak sang nakita ang nagabitay nga utod.
Indi makapati ang bilog nga pamilya sa pag-utas sang menor de edad sa kaugalingon nga kabuhi, bangud malipayon pa ni kahapon kag wala sang palatandaan nga may ginasuprer ini nga problema.
Apang aminado ang ginang nga nagbuhi pa sang lahog si Noynoy nga magalakat ini kag indi na magbalik balik.
Nahibaluan nga gikan sa Bailan District Hospital ang ginang bangud nagbantay ini sa anak nga na-confine sa ospital.
Apang naghingagaw ini pauli, bangud kasubong may nabatyagan ini nga indi maayo.
Wala ginalauman sang ginang nga ini nga balita ang masugata sa iya pagpauli.
