-- ADVERTISEMENT --
ROXAS CITY – Naglaslas sang liog kag nagbuno sa tiyan gamit ang kutsilyo ang 38-anyos nga soltero nga nagtuyo magpanginmatay sa sulod sang iya hulot sa Barangay Pangabuan, Jamindan, Capiz.
Nakilala ang biktima nga si Joseph Llegue nga nag-angkon sang pilas sa liog kag tiyan.
Nagpangayo sang bulig sa Jamindan Municipal Police Station ang utod sang biktima matapos nakita ang madamo nga dugo sa iya nga hulot.
Gilayon nga gindala sa ospital si Llegue para mabulong ang iya mga pilas.
Nagaguwa sa inisyal nga imbestigasyon sang pulisya nga posible may kaangtanan sa iya nga trabaho sa talyer ang pagtuyo sa pagpanginmatay sang biktima, bangud masami ini nga hubog sa tagsa ka magsulod sa iya nga trabaho.
-- ADVERTISEMENT --
