MANILA, Philippines – Gin-agda ni House Speaker Faustino “Bojie” G. Dy III ang mga Pilipino nagikan sa nagkalain-lain nga sektor nga mangin aktibo nga magpakigbahin sa proseso sang paghimo sang layi samtang ginpatigayon sa Mindanao ang LegisHear.
Suno kay Dy, indi lamang ang mambabatas ang nagahimo sang maayo nga layi kundi dapat ini ginahimo upod sa mga tawo nga ila ginaserbisyuhan.
Sa isa ka video message nga ginpalapnag sa pagsugod sang LegisHear sa Butuan City, ginpahayag ni Dy nga ang nationwide consultation program nagapakita sang commitment sang House of Representatives sa mas bukas, participatory kag people-centered nga Kongreso sa idalom sang “Bagong Kongreso.”
Ginpangunahan ni Butuan City Lone District Representative Jose “Joboy” S. Aquino II ang ikaduha nga LegisHear nga ginpatigayon sa Caraga State University sa Butuan City, matapos ang madinalag-on nga paglunsar sini sa Isabela sang Hulyo 31.
Sa amo nga konsultasyon, ginpangabay ang partisipante nga maghatag sang ila panan-aw kag suhestyon sa House Bill No. 4744 ukon proposed Basic Education Voucher Assistance Act, kag House Bill No. 8470 nga nagatinguha nga ma-upgrade ang Butuan Medical Center bilang Butuan General Hospital.
Lakip man sa mga aktibidad ang orientation kon paano mangin layi ang isa ka ginapropose nga layi, sa diskusyon sa House Bill No. 9305 ukon proposed KALINGA Bill, kag focus group discussions para makakuha sang feedback sang publiko parte sa frontline government services.
Pahayag pa ni Dy, indi makab-ot sang mga mambabatas lamang ang makahulugan nga mga reporma, gani importante ang aktibo nga pagpakigbahin sang publiko sa paghimo sang mga polisiya kag policy making.
Dugang pa, ginpahayag ni House Secretary General Atty. Cheloy E. Velicaria-Garafil nga ginpili ang mga panukalang-balaod sa edukasyon kag healthcare bangud sa direkta sini nga epekto sa adlaw-adlaw nga kabuhi sang mga pamilya sa Caraga.
Sa karon ginapabutyag man niya nga ang konsultasyon kabahin sang padayon nga paninguha sang House of Representatives nga mapabakod ang participatory lawmaking kag masiguro nga ang tingog sang ordinaryo nga mga Pilipino mabatian antes mag-abot sa katapusan nga mga tikang ang policy making.
