Padayon ang monitoring sang state weather agency kay Super Typhoon Sinlaku (2604) nga yara pa sa guwa sang Philippine Area of Responsibility (PAR).
Ulihi ini nga nakit-an sa kalayuon nga 2,430 kilometers Eastern Visayas, nga may kabaskugon nga hangin nga 215 kph malapit sa sentro kag may kabaskugon nga tubtob 265 kph.
Nagahulag ang bagyo pa-Northwest sa kadasigon nga 15 kph. Apisar nga wala pa ini sang direkta nga epekto sa pungsod, hugot nga ginabantayan ang hulag bangud sa kabaskugon sini.
Samtang padayon naman nga naga-apekto ang ridge sang High Pressure Area (HPA) sa northern Luzon nga nagadala sang mainit kag humid nga panahon sa kalabanan nga bahin sang pungsod.
Ginapanugyanan ang publiko nga magpabilin nga alerto kag padayon nga magbantay sang mga advisories gikan sa state weather agency.
