Igarespeto sang mga supporters ni Former President Rodrigo Duterte kun ano man ang mangin desisyon sang International Criminal Court.
Ini matapos ang ikatlo nga adlaw sang confirmation of charges hearing batok kay Duterte sa kaso nga crimes against humanity.
Suno kay Bombo Lucky Charm, International Correspondent direkta sa The Hague, Netherlands, iya ginpahayag nga una nga bes nga may yara sang opisyal nga ginpaidalum sa hearing sang International Criminal Court rason nga mabudlay pakton ang mga masunod nga matabo.
Dugang pa niya, malawig pa ang proseso nga paga-atubangon sang anay presidente apang nagasalig ini nga himuon sang defense team ang tanan agud maipakigbato si Duterte.
Pahayag pa niya, amat-amat naman nila nga ginabaton nga daku ang posibilidad nga indi na makapauli sa Pilipinas si Former President Duterte.
Nahibaluan nga subong nga adlaw sang Biyernes ang ulihi nga adlaw sang confirmation of charges hearing kag may yara pa sang 60 ka adlaw sang evaluation antes magpagwa sang final decision kun magapadayon sa full trial ang kaso ni Duterte ukon indi..
Nagpanawagan man ini sang pangamuyo sa ikaayong lawas ni Former President Duterte bangud sa edad sini nga 81, mabudlay na para sa iya nga nga iproseso ang mga nagakatabo.
Nagalaum man ang mga ini sang positibo nga resulta samtang nagapadayon ang confirmation of charges hearing.
