Ginlunsyar ni Presidente Ferdinand “Bongbong” R. Marcos Jr., kaupod ang Kamara sa pagpamuno ni Speaker Ferdinand Martin Romualdez kag Social Welfare Sec. Rex Gatchalian, ang Tabang Bikol, Tindog Oragon relief initiative kun sa diin halos P750 milyon nga balor sang financial assistance kag 24 nga trak nga puno sang relief goods ang igapanagtag sa masobra 150,000 benepisyaryo sa Bicol region nga ginhalitan sang magkasunod nga bagyo, kag ang ulihi nga bagyo amo ang super typhoon Pepito.
Ang programa kun sa diin si Speaker Romualdez ang nagapanguna nga nagatalupangod, ang nagatuyo nga suportahan ang mga nahalitam nga komunidad sa Camarines Norte, Camarines Sur kag Albay agud gilayon nga makabangon halin sa pagpanglaslas sang bagyong Kristine, Carina, kag Pepito.
Suno kay Speaker Romualdez ini ang direktiba ni Presidente Marcos, nga buligan ang mga nahalitan sang bagyo sa Bicol.
Ang pagbulig ang nagatunga sa tatlo ka nagapanguna nga aktibidad: ang paghatag sang financial assistance, paghiwat sang mini-Bagong Pilipinas Serbisyo Fair (BPSF), kag ang distribusyon sang mga relief goods.
Suno kay House Deputy Secretary General Sofonias “Ponyong” P. Gabonada ang inisyatiba ang ginsundan man ni House Appropriations Committee Chairman Zaldy Co nga nagikan sa Bicol kag kumatawan sa promisa sang Kamara nga isa ka “holistic and sustainable recovery” nga magasabat indi lamang sa mga kinahanglanon sa karon.
Siling ni Gabonada nga ang Department of Social Welfare and Development (DSWD) ang magapanguna sa pagpanagtag sang financial aid sa idalom sang Assistance for Individuals in Crisis Situations (AICS) program sini sumugod sa Nobyembre 18.
Ang mini-BPSF ang igalunsyar sa Nobyembre 21 kag magahatag sang nagkalain-lain nga serbisyo gikan sa mga ahensya sang gobyerno, suno kay Gabonada.
Suno kay Gabonada ang mga aktibidad ang dululungan nga ginhiwat sa nagkalain-lain nga lugar kaupod ang Jessie Robredo Coliseum sa Naga City, Ka-Fuerte Sports Complex sa Pili, kag BUPC Gymnasium sa Polangui. Ginalauman nga tig-10,000 ang benepisyaryo sa kada lokasyon.
Dugang pa ni Speaker Romualdez ang importansya nga dungan ang pagpanagtag sang financial assistance sang serbisyo nga ginahatag sang nagkalain-lain nga ahensya sang gobyerno agud mas mangin madasig ang pagbangon sang mga nahalitan.
Isa ka importante nga aspeto sang inisyatiba amo ang pagpanagtag sang mga relief goods nga gintipon halin sa mga donation drive, suno kay Speaker Romualdez.
Ang mga relief goods ang ginkarga sa mga trak kag magabalhin sa Lunes, Nobyembre 18, halin sa Kamara de Representantes.
Kaupod sa mga donasyon nga ipdala sa mga nahalitan amo ang sinako nga bugas, kag produkto nga de lata halin sa nagkalain-lain nga grupo kasubong sang Tingog Party-list, PHILRECA, National Irrigation Administration (NIA), kag gikan sa pribado nga sektor.
Sa Nobyembre 21 ang pagahiwaton ang ceremonial turnover sang mga relief goods sa mini-BPSF event sa Naga City, Pili, kag Polangui. Ang pagtingub sang mga ini amo ang isa ka pagpakusog sang mensahe sang paghiliusa kag pagkamalog-on sa mga apektado nga lugar.
Ang mga benepisyaryo sang programa nga ini ang mga pamilya nga nahalitan sang mga nagligad nga bagyo, kadam-an ang nadulaan sang puluy-an kag pangabuhianan.
