PANAY, CAPIZ – Tatlo ka indibidwal ang pilason sa isa ka vehicular accident nga nagluntad sa Brgy. Agbalo, Panay, Capiz.
Ang mga biktima amo sanday alyas Jon, 52 anyos, alyas gelo , 29 anyos kag alyas Ray, 24 anyos.
Sandig sa impormasyon nga nakuha sang Bombo Radyo sa Panay Municipal Police Station, ang motor nga ginamaneho ni alyas Jon ang halin sa Panay proper pakadto kuntani sa banwa sang Pontevedra , samtang ang motor nga ginadala ni alyas gelo ang hinali lang nga nagliko kag nagbunggo sa una nga bahin sang nasambit nga motor.
Lunsay naka-angkon sang pilas sa ulo kag nagkalain-lain nga nahin sang lawas ang mga biktima nga madasig man nga gindala sa ospital para sa medical nga atensyon.
Sa subong, ang duha ka motor ang yara na sa kustodiya sang Panay Municipal Police Station samtang ginahulat ang husto nga disposition sang kaso.
