-- ADVERTISEMENT --

Patay ang tatlo ka indibidwal sa nagluntad nga vehicular accident sa tunga sang motortiklo kag trycicle sa Barangay Taft, Tapaz, Capiz.

Ang ginbawian sang kabuhi amo ang mag-asawa nga sakay sang trisikol ang isa ka 48-anyos nga babaye kag ang iya bana nga 52-anyos.

Samtang ang patay driver sang motorsiklo ang isa ka menor de edad kag pilason naman ang angkas sini nga isa ka 18-anyos nga lalaki lunsay residente sang nasambit nga lugar.

Sa interview sang Bombo Radyo kay Police Major Gregg Anthony V Salbang, Chief of Police sang Tapaz Municipal Police Station, iya ginpahayag nga base sa inisyal nga imbestigasyon, yara sa husto nga linya ang tricycle samtang ang motorsiklo ang ginapahayag nagsulod sa linya sini, nga nagresulta pagbungguanay.

Suno kay Salbang, bangud sa mabaskog nga impact, nagtabog ang angkas sang motorsiklo samtang ang mag-asawa nga sakay sang tricycle gindala sa ospital apang gin-deklarar nga dead on arrival.

-- ADVERTISEMENT --

Ginapanawagan naman sang kapulisan ang mga ginikanan nga indi pagtugutan ang menor de edad nga magmaneho sang motorsiklo kag ginpahanumdom man ang tanan nga motorista nga magsuksok sang helmet kag iban pa nga protective gear agud malikawan ang aksidente sa dalan.