Wala nagakahangawa si Gilas Pilipinas coach Tim Cone sa bag-o nga stratehiya nga mahimo nga ipagana sang bag-o nga coach sang New Zealand.
Ginpahayag sini nga kumpiyansa ini sa iya nga mga player ilabi na nga may gindugang sila nga player kag isa na amu si Kevin Quiambao.
Mahibaluan nga gintugutan sang La Salle Green Archers nga ipahulam ang 6’10” nga si Quiambao nga makahampang batuk sa New Zealand kag Hong Kong.
Sa una nga window sang 2025 FIBA Aisa Cup Qualifiers, nakalista sang 15 points, tatlo nga rebounds, duha ka assists kag isa ka steal si Quiambao.
Sa bahin sang New Zealand, makaangkon sila sang bag-o nga coach nga si Jude Flavell.
Ginbuslan ni Flavell si Pero Cameron nga nagretiro matapos nga batunon ang offer nga mangin coach sang Ningbo Rockets sa Chinese professional league.
Makaatubang sang Gilas ang New Zealand sa adlaw sang Huwebes samtang ang Hong Kong naman sa adlaw sang Dominggo.
