ROXAS CITY – Wala ginpalampas sang wala hadlok nga mga kawatan ang mismo tindahan ni Punong Barangay Analie Benedicto sang Barangay Lucero, Jamindan Capiz.
Sa interview sang Bombo Radyo kay Benedicto, ginpahayag sini nga nagdangat sa masobra P9,000.00 nga cash kag kita sang ila tindahan ang natigyon nga mataban sang wala pa matumod nga mga kawatan.
Suno diri, nga mabudlay makilan-an ang mga suspek bangud may mga tabon ang ila sini nga hitsura.
Mahibaluan nga wala pa sang cctv ang ila barangay butang nga dako kun tani nga bulig agud madasig nga matumod kag makilan-an ang mga nagahimo sang kasubong sini nga buluhaton sa ila lugar.
Matandaan nga naghatag sang pagkabalaka kag kahadlok sa mga residente sa lugar ang natabo nga pagpangsulod sang mga isganan nga kawatan sa pila ka mga puluy-an sa ila barangay sang damlag lang.
