ROXAS CITY – Ginapreparahan na sang katapo sang Traffic Manangement Unit, ang pagapatigayunon nga road closure para sa palaabuton nga Sinadya 2024.
Sa interview sang Bombo Radyo sa pamunuan sang TMU nga si Mr. Gonzalo Andrada, ginpahayag sini nga ila na ginaplastar ang mga dalan nga posible saraduhan para sa selebrasyon.
Suno kay Andrada, ini magasugod sa Disyembre 1-9 alas 5:00 sang aga tubtob alas 2:00 sang hapon.
Pila ka mga dalan nga igasarado ang Rizal Hughes padulong Arnaldo Blvd., Corner Mabini.
Ang mga padulong sa Eastbound Rizal Street mahimo nga makalusot padulong sa Roxas Avenue kag Magallanes.
Ang magapadulong naman sa Northbound mahimo nga makalusot sa Capricho II tubtob sa Datiles kag lusot sa Arnaldo Blvd.
Ang mga nagikan naman sa east portion, mahimo nga maka-agi sa McKinley, Legazpi, lusot sa Halaran Plaza.
Magluwas sa road closure, may mga deployment plan naman suno diri ang katapo sang ahensya agud magbulig sa pagkay-o sang lakat sang trapiko.
Panugyan sang pamunuan ang kooperasyon sang tagsa-tagsa.
