Nalusutan sang TNT Tropang Giga ang Meralco Bolts 108-99 para makuha ang solo lead sa Group A sa nagapadayon nga 2024 PBA Governor’s Cup sa hampang nga ginhiwat sa Ninoy Aquino Stadium.
May yara sang anum ka kadalag-an kag isa ka piyerde ang TNT samtang ang Bolts ang may yara sang lima ka daug kag duha ka piyerde.
Ginkilala naman bilang Player of the Game si Calvin Oftana nga nagpagkit sang 25 points, pito ka rebounds kag tatlo ka assists samtang may yara sang 22 points kag siyam ka rebounds si Rondae Hollis-Jefferson.
Napabilib naman si TNT coach Chot Reyes sa mga ginhimu nga pagtinguha sang iya mga players para maangkon ang solo nga puwesto.
Nasayang naman ang ginhimu nga 26 points kag 11 rebounds ni Allen Durham kag 23 ka puntos ni Chris Newsome para sa Bolts.
