Top 2 most wanted sa kaso nga rape, arestado sa Banwa sang Sapian, Capiz

Arestado ang Top 2 most wanted person sa ginapahayag nga kaso nga rape sa Barangay Agtatacay Norte, Sapian, Capiz.

Ang arestado amo si alyas “Rand,” 56-anyos kag residente sang nasambit nga lugar.

Sa interview sang Bombo Radyo kay Police lieutenant Steve Ian Bautista, hepe sang Sapian Municipal Police Station, iya ginpahayag nga ginserbe sang mga kapulisan ang warrant of arrest batok sa suspek para sa duha ka counts sang Rape sa idalom sang Article 266-A.

Suno kay Bautista, nagtuyo pa kuntani nga magpalagyo ang suspek sang ginsirbe ang warrant of arrest, apang gilayon man ini nga nadakpan sang mga kapulisan.

Sa subong yara na sa paghinakop sang  Sapian Munipal Police Station ang arestado para sa nagakaigo nga disposisyon.