ROXAS CITY – Dakop ang isa ka lalaki matapos serbehan sang warrant of arrest sa Barangay Punta Tabuc, Roxas City bangod sa paglapas sang Section 3 sang Republic Act 10883 ukon ang New Anti-Carnapping Act of 2016.
Ang suspek amo si alyas Jan, 27 anyos kag residente sang Sitio Puntod, Barangay Dinginan, Roxas City.
Si alyas Jan ang ginakabig nga isa sa Top 5 Most Wanted Person sa city and municipal level.
Ang warrant ang gin-isyu sang Regional Trial Court Branch 15, Sixth Judicial Region, nga ginpirmahan ni Presiding Judge Sesinio Navales Belen Jr., kag may ginarekomendar nga piyansa nga P300,000 para sa temporaryo nga kahilwayan.
Sa subong, yara na sa kustodiya sang Roxas Component City Police Station custodial facility ang suspek para sa nagakaigo nga disposisyon antes ini iturn-over sa nag-isyu nga korte.
