ROXAS CITY – Hugot nga ipatuman sa Capiz ang travel restrictions sumugod sa Hulyo 6, 2020.
Ini ang sandig sa ginpirmahan nga Executive Order No. 20-C, series of 2020 ni Governor Estebam Evan ‘Nonoy’ Contreras.
Mahibaluan nga may yara pa sang tubtob sa Hulyo 5, 2020 ang mga taga-Capiz nga makapauli sa probinsiya.
Sumugod sa Hulyo 6, 2020, ang tanan nga magasulod sa probinsiya, makabig na nga Locally Stranded Individuals (LSI’) kag kinahanglan magpresentar sang pila ka mga rekisitos para ini ang makasulod.
Samtang kalakip sa mga pagapasugtan nga magsulod sa probinsiya amo ang mga empleyado sang gobyerno, mga indibidwal nga nagatrabaho sa probinsiya, mga pasyente nga nagapabulong sa probinsiya, mga medical personnel, mga health workers, mga first responders, kag mga emergency personnel, kag mga locally stranded individuals nga ang ila nga pagpauli ang ginpatigayon sang local government unit ukon LGU.
