Pilason ang isa ka tricykle driver matapos ginbuno sang kilala nga kriminal sa Pavia Street, Barangay 9, Roxas City.
Ginkilala ang biktima nga si Margarito Busester Bolante, 29-anyos kag residente sang Barangay Cabugao Oeste, Panay, Capiz.
Sa pagpangusisa sang Bombo Radyo nga samtang nagapangkaldo si Bolante sa nasambit nga lugar hinali lang ini nga ginpalapitan sang suspek nga si Franklin Estores kag ginbuno sa wala mahibaluan nga rason.
Nag-angkon sang pilas sa kilid sang iya tiyan ang biktima kag gilayon nga gindala sa ospital.
Mahibaluan nga si Estores ang bag-o lang nakaguwa sa prisuhan bangud sa kaangay man nga krimen kag may yara pa ini sang mga kaso nga ginapangatubang.
Sa karon padayon pa nga ginaayam sang mga otoridad ang suspek bangud nagpalagyo ini matapos makumiter ang krimen.
