Pagatun-an sang lokal nga gobyerno sang Ivisan kun maga-papasar sang ordinansa para sa paghatag sa natalana nga oras sa pagsulod sang mga truck sa mayor nga dalanun sa nasambit nga banwa.
Sa interview sang Bombo Radyo kay Mayor.Felipe Neri Yap nga mahimu nila tun an ang amu nga suhisyon matapus nga gin arado naman sang 10-wheeler truck nga may karga nga construction materials sa Poblacion Ivisan Capiz.
Suno kay Yap nga naalarma man sila nga wala pa gani mabulanan ang insidente nga nagluntad kag may napatay nga duwa sini ka pumuluyo,
Dugang pa ni Yap nga indi man hungod ang mga natabo nga insidente kag nagbulig naman ang mga tag iya sang salakyan sa mga biktima.
Samtang nagapati naman ang alkalde nga indi ini malain nga senyales kadungan sang ila pagahiwaton nga kapiestahan sang banwa.
