Ginsaway ni Sen. Erwin Tulfo ang tayuyon kag madasig nga pagtaas sang presyo sang mga produktong petrolyo, kag wala gindula ang posibilidad nga may pila ka mga indibidwal nga nagapamintaha sa giyera sa Middle East.
Ginpamangkot ni Tulfo ang Department of Energy (DOE) kun insakto pa ang presyo, samtang ginasiguardo sang DOE – pamaagi kay Oil Industry Management Bureau Director Rino Abad – na nagasanto ang sa subong nga presyuhan sa hulag sang merkado antes kag pagkatapos sang giyera.
Base sa pagtantyar, mahiomo nga maglab-ot sa P80 kada litro ang diesel kag P70 kada litro ang gasolina sa masunod nga semana. Ginaganyat sang DOE ang mga dalagkuan nga kumpanya sang langis nga ipatuman ang price hike sang amat-amat agud indi insigida nga mabug-atan ang m ga kunsumidor.
