ROXAS CITY -Dako ang nangin epekto sang COVID-19 sa patag sang turismo sa probinsiya sang Capiz.
Ini ang ginpahayag ni Commissioner Alfonsus Tesoro, Provincial Tourism and Cultural Affairs Officer sang mainterview sang Bombo Radyo.
Aminado si Tesoro nga kadungan sang pagpauntat sang pagbiyahe sang mga turista, pila ka mga attractions kag hotel sa probinsiya ang temporaryo man nga nag-untat ang operasyon.
Apang ginkalipay ni Tesoro mga madamo sang mga paamagi nga ginhimo ang mga negosyante agud mapadayon ang ila nga negosyo.
Ginpahayag ni Tesoro nga nagapatigayon sang food delivery ang mga kalan-an nga temporaryo nga nagsirado kasunod sang COVID-19.
Apisar nga nagsirado ang pila ka mga establisemento, may yara man sang nagbukas nga mga oportunidad.
Dako man ang bulig sang pagpasanyog sang farm tourism site kag ang pagpatigayon sang street market sang mga Local Government Units ukon LGU’s.
Samtang ginpahayag man ni Tesoro nga ginbuligan sang talatapan ang mga Indigenous People sa mga kabukiran agud maka-negosyo kadungan sang ginapangatubang nga pandemiya.
