Temporaryo nga ginsirado sang United Arab Emirates (UAE) ang ila nga airspace sang Martes, Marso 17, matapos mabalhag ang pamahog sang missile kag drone attack halin sa Iran.
Suno sa General Civil Aviation Authority ng UAE, ginhimo ang amo nga tikang bilang “exceptional precautionary measure” para sa safety sang mga pasahero kag piloto, kag agud nga maproteksyunan ang teritoryo sang pungsod.
Kasunod sini, gindeklara man nga nagtaas ang tensyon sa rehiyon bangud sa mga drone attack sang Iran kag padayon nga kinagamo sa Middle East.
Nakaangkon sang pagpangbomba ang Israel sa Iran-backed militants sa Lebanon, nga ginsundan sang retaliatory strikes sang Iran pamaagi sang missile kag drone, nga nakaapekto sa pila ka mga pungsod sa Gulf region.
Bangud diri, nagtaas sa $100 kada bariles ang presyo sang Brent crude, nga nagapakita sang nagalala nga krisis sa global energy supply.
Umpisang sang gintuna-an sang U.S. kag Israel ang operasyon batuk sa Iran masobra duha na ka semana ang nakaligad, regular na nga nagapalupad sang drones kag missiles ang Tehran batuk sa Israel kag mga target sang Amerika sa rehiyon.
Nahibaluan nga sang Martes sang aga, ginreport sang militar sang Israel ang panibag-o nga missile salvo malapit sa Sea of Galilee, apang wala sang may nareport nga napilasan.
