Nangin madinalag-on, ang una nga adlaw sang Filing of Certificate of Candidacy sang mga magapapili sa palaabuton nga 2025 Elections nga ginpatigayon sa isa ka dako nga mall, sa syudad sang Roxas.
Sa interview sang Bombo Radyo kay COMELEC Roxas City Election Officer IV, Atty. Rommel G. Benliro, ginpahayag sini nga subong nga adlaw, wala pa sang may nagadaguso nga mga aspiring candidates agud mag-file sang kadidatura.
Mahibaluan nga sa subong nga adlaw, duwa ka kandidato ang madinalag-on nga naka-file na sang Certificate of Candidacy, isa diri ang City level nga ginkilala kay Ramilo Balquedra Acotillar, 50-anyos kag residente sang Brgy. Dayao, Roxas City nga magapapili nga independiente bilang City Councilor kag isa sa Provincial Level nga ginkilala kay Christopher Degala Barrio, 36-anyos, residente sang Sitio Ubos, Brgy. Lanot, Roxas City nga magapapili man nga independiente bilang Provincial Governor.
Panugyan ni Atty. Benliro sa mga maga-file palang, mahimo nga magpa-proof read danay sa talatapan sang COMELEC Roxas, para nga ma-assess kag ma-tsekyar ang ila mga dokumento.
