Unidentified driver nga bumunggo sa naka-park nga motorsiklo sa dalan, ginbawian sang kabuhi

ROXAS CITY – Ginbawian sang kabuhi subong nga aga ang isa ka lalaki samtang ginabulong sa Roxas Memorial Provincial Hospital (RMPH) matapos maaksidente sa ginamaneho nga motorsiklo sa Arnaldo Boulevard, Barangay Baybay, Roxas City, kagab-i sang Domingo, Hunyo 26.

Matandaan nga samtang ginasubay sang driver ang dalanon sakay sa iya Yamaha FS 110 nagaduag dark red, nagikan sa Barangay Baybay padulong sa City proper, sang mabungguan sini ang naka-park nga Suzuki shooter 115Fi sa kilid sang karsada kag nag-angkon sang kapilasan sa iya ulo kag iban pa nga parte sang iya kalawasan.

Ang biktima ang nagapabilin nga unidentified kag ba-se sa nangin deskripsyon ni PCpl Kim Alvin Torres, traffic investigator sang Roxas City PNP, may kataason nga ginabulubanta 5’7, may magamay nga alom sa idalom nga bahin sang bibig, nagasuksok sang dark blue shirt, light yellow nga jacket kag yellow floral short, nga ginapahayag yara sa impluwensiya sang makahulubog nga ilimnon sa tion sang aksidente