(UPDATE) 8 y/o nga ginhimuslan sa kulungan sang itik ginpaidalum sa operasyon

ROXAS CITY – Ginpaidalum sa operasyon ang walo ka tuig nga menor de edad nga ginhimuslan sang suspek sa kulungan sang itik

Sa exclusive interview sang Bombo Radyo kay Manang Inday, iloy ni alyas Nene, ginpahayag sini nga bangud sa daku nga laceration sa kinatawo sang biktima gindugo ini rason nga ginpakamaayo nga ipaidalum sa operasyon ang menor de edad.

Gin-ako man sang ginang nga daku ang ginbag-o sang anak humalin nga ginhimuslan ini sang suspek sa diin masami ini nga nagaduhong kag indi mahim-us.

Samtang desidido ang pamilya sang biktima nga pasakaan sang kaso nga rape si alyas Oyok para mahatagan sang hustisya ang nadangatan sang menor de edad