Nagsaka pa sa P15.89 trillion ang kabug-usan nga utang sang Pilipinas sa pagtakup sini nga bulan sang Setyembre.
Suno sa Bureau of Treasury (BTr), mas mataas ini sang 2.2 percent ikumparar sa P15.55 trillion nga nabalhag sang tubtob sa katapusan sang Agosto.
Yara sa P10.94 trillion ang ginatawag nga domestic debt ukon utang panloob kun sa diin ang pinakauna nga rason sini ang masobra P145 billion net issuance sang government securities.
Sa pihak sini, dako nga bulig naman ang pagbaskog sang balor sang piso kontra US dollar agud mapanubo ang balor sang utang sang pungsod.
Suno pa sa Treasury, yara sa P4.96 trillion naman ang utang panlabas sang gobyerno sang Pilipinas nga mas mataas sang 4.2 percent ikumparar sang Agosto.
Kun ikumparar naman sa kapareho nga panyempo sang nakaligad nga tuig, yara sa 11 porsyento ang gintaas sang utang sang Pilipinas ukon kabaylo sang P1.3 trillion.
