Ginpahibalo sang National Grid Corporation of the Philippines (NGCP) nga ang Visayas Grid ipaidalom sa red kag yellow alert subong nga Sabado bangud sa limitado nga suplay sang kuryente.
Suno sa advisory sang NGCP alas-8 sang aga, ang red alert ipatuman halin alas-5 tubtob alas-9 sang gab-i, samtang ang yellow alert ipatuman halin alas-4 tubtob alas-5 sang hapon kag alas-9 tubtob alas-10 sang gab-i.
Suno sa kompanya, ang available capacity sang Visayas Grid yara sa 2,109 megawatts (MW), samtang ginalauman nga maglab-ot sa 2,346 MW ang peak demand sa kuryente.
Ginpahayag man sang NGCP nga 11 ka power plants ang yara sa forced outage sang Setyembre.
Apat sini ang wala nagaandar halin Agosto 2026, isa sang Hulyo, duha sang Hunyo, pito sang Mayo, tatlo sang 2025, duha sang 2024, duha sang 2023, kag isa pa sang 2021.
Dugang pa, 14 ka power plants ang nagapadayon sa operasyon apang may pagnubo sang kapasidad.
Ginaabisuhan ang publiko nga magkinot sa paggamit sang kuryente, ilabi na sa mga oras nga yara sa alert status ang Visayas Grid.
