Nagapangatubang sang sampaw-sampaw nga kaso si Vice President Sara Duterte nga ginpasaka sa Office of the Ombudsman.
Lakip diri ang plunder, malversation, graft, bribery, kag iban pa nga may kaangtanan nga mga kaso nga may kaangtanan sa ginaalegar indi maayo nga paggamit sang confidential funds.
Suno sa mga tagreklamo sa pagpanguna ni Fr. Flaviano Villanueva, Fr. Robert Reyes, kag anay opisyal sang gobyerno, nagalaum sila nga makumpirmar sang Ombudsman ang ila mga reklamo.
Base sa hearings sang Kongreso, nagguwa nga ang P125 milyon nga confidential funds sang OVP ang naghalin sa contingent funds sang 2022 national budget.
Lakip man sa ginpasaka nga reklamo amo ang paggamit sang confidential funds sang DepEd sang siya pa ang tiglikom.
Ang kabug-usan nga confidential funds nga nagalab-ot sa P612.5 million ang gin-alegar nga gingamit nga wala sang maathag nga breakdown sang gasto.
Nahibaluan nga ang mga tagreklamo ginabug-usan sang mga lideres gikan sa simbahan, akademya, kag civil society nga nagapanawagan sang transparency kag accountability.
Sa subong, pending ang mga reklamo sa Ombudsman nga mahimo magbukas sang malapad nga imbestigasyon batuk kay Vice President Sara Duterte.
