Nanindugan si Vice President Sara Duterte nga indi ini magbiya sa puwesto.
Kasunod ini sa panawagan sang pila ka mga mamalidha bangud sa indi sini pagtambong sa pagtalakay sa House of Representatives sang panukala nga P2-bilyon budget sang 2025 sang Office of the Vice President.
Ginsiling sini nga indi siya magbalhin bangud ginhamtang siya sang mga tao sa puwesto kag nagapati ang mga ini nga magatrabaho ini sa pungsod rason nga ini ang iya nga ginahimo.
Una nga ginsaway nanday House Assistant Majority Leader Jil Bongalon kag House Deputy Speaker Jayjay Suarez sang Quezon ang Bise Presidente bangud sa indi pagtambong sa pagtalakay sang kamara sa budget.
Sabat naman ni Duterte nga indi na sini pagsabtan ang saway sang mga bagito nga mamalidha bangud kinahanglan sini nga magsabat sa 32 milyon nga nagboto sa iya.
Naghatag na man ini sang sulat kay Lanao del Sur Rep. Zia Adiong nga sponsor sa proposed P2-B budget sang Vice President sa 2025 kun sa diin nakasaad nga naisumiter na sang mga ini ang tanan nga mga dokumento sa House committee on appropriation angut sa budget request.
