Wala sang intensyon si Vice President Sara Duterte nga magpangayo sang bulig kay Presidente Ferdinand Marcos Jr. agud masiguro ang temporaryo nga kahilwayan sa International Criminal Court (ICC) sang iya amay nga si anay Presidente Rodrigo Duterte.
Apisar nga ginbasura sang ICC Pre-Trial Chamber ang interim release request sang depensa, ginpahayag sang ila abogado nga si Atty. Nicholas Kaufman nga nag-file sila sang apelasyon.
Dugang pa sang Bise Presidente nga indi niya pagbawion ang iya nauna nga pahayag nga ginkidnap sang gobyerno ang anay presidente agud atubangon ang iya kaso sa ICC sa Netherlands.
Ginpanindugan man ni Duterte nga gin-aprubahan ni Presidente Marcos ang pagdakop sa anay Presidente.
Matandaan, una na nga gin-athag sang gobyerno sang Pilipinas nga obligado sila nga buligan ang Interpol sa pag-file sang ICC warrant batuk sa anay presidente sang pungsod.
