Ginkumpirmar ni Vice President Sara Duterte sa ginpaguwa sini nga bulletin nga gintugutan ini sang iya Chief of Staff nga si Atty. Zuleika Lopez nga magpauli danay kag makita ang mga puya sini.
Siling ni VP Sara nga ang magatal-us sa iya para magbantay amo si Senator Bong Go.
Dugang pa sang Bise Presidente, magabalik ini karon sa gab-i sa Veterans Memorial Medical Center (VMMC).
Sa karon, naka confine sa VMMC si Lopez matapos malipong kag nagka-panic attack.
Kun matandaan, pahayag sang PNP doctor nga maayo ang kondisyon ni Lopez bangud normal ang mga vital signs sini.
Samtang sa interbyu naman kay Senator Ronald Dela Rosa ginsiling sini nga sa karon ang kondisyon ni Atty Lopez, “traumatized” bangud sa pagbalhin sa iya sa detention facility.
Suno kay Dela Rosa, nahadlok si Lopez nga ibalhin ini sa Women’s Correctional sa Mandaluyong City rason nga ginabatayan nila ini ni Sen. Bong Go.
