Kumpiyansa si Vice President Sara Duterte nga magadaug ini sa iya impeachment trial sa senado nga natalana nga magasugod sa bulan sang Hulyo subong nga tuig.
Sa isa ka interview, ginpahayag sang bise presidente nga gilayon siya nga nakighinun-anon sa iya nga abogado sa iya pag-abot sa pungsod halin sa The Hague, Netherlands.
Madumduman nga halos isa ka bulan nga nagtiner sa pungsod ang bise presidente agud magbulig sa pagtukod sang defence team para sa iya amay nga si anay Presidente Rodrigo Roa Duterte.
Suno kay VP Sara, kumpyansa man ang iya legal team nga dako ang tsansa nga magdaug sila sa kaso.
Sa pihak sini, nagpamalibad ang bise presidente nga ipaambit ang ila preparasyon para sa natalana nga impeachment trial sa Hulyo.
Una na nga gin-impeach sa Kamara si VP Sara Duterte.
Samtang, lakip sa mga rason sang impeachment amo ang ginaalegar indi maayo nga paggamit sang pondo sang gobyerno kag iban pa nga paglapas.
