ROXAS CITY – Nagdangat sa siyam ka mga nangin kandidato sa pagka-board member tubtob Governor ang wala maka-file sang ila nga Statement of Contribution and Expenditures (SOCE) sa Commission on Elections (COMELEC) – Capiz.
Ini ang sandig sa listahan nagikan sa nasambit nga ahensiya, sang ginpadulongan sang Bombo Patrol team.
Kalakip sa nasambit nga numero amu sanday:
- Pimentel, Reymar – (pagka-Vice Governor)
- Diapo, Ambrosio 1st DistrictCongressman
- Esteves, Ronilo, 2nd District Congressman
- Borda, Jose
- Diaz, Ruel
- Esporma, Nilo
- Nabor, Vicente
- Ortencio, Roland kag
- Sera Jose, Bayani mga nagpadalagan sa pagka-board member sa 1st kag 2nd district.
Talalupangdon nga ang mga wala maka-file sang ila nga SOCE amu ang mga napaslawan sa nagtakop nga eleksyon.
Nahibaluan nga ang SOCE ang isa ka dokumento kun sa diin nakabutang ang gingasto sang kandidato sa iya pagpangampanya, mga nagbulig pinaagi sa paghatag sang donasyon mapa-cash ukon non-cash contributions, kag nagtakop ini kahapon nga adlaw, Hunyo 8.
Matandaan nga ginpahayag sang COMELEC nga maga-resulta sa disqualification sa pagpungko sa public office ang mapaslawan sa pagsumiter sang ila nga SOCE.
