Ginsapubliko sang Department of Information and Communication Technology (DICT) nga puntirya sa karon sang mga hacker ang website sang mga pulitiko kag kandidato sa palaabuton nga eleksyon.
Sa Malacañang press briefing, ginpahayag ni DICT Sec. Ivan John Uy nga bangud malapit na ang eleksyon, nagapalapta na sang mga peke nga impormasyon ang mga hacker batuk sa mga kandidato.
Rason nga wala man ini sila naga-untat sa pagsabat sa kasubong nga mga sitwasyon pinaagi sang pagpaabot sa publiko kag mga sektor kun paano dapat ginapakusog ang cyber security system sang mga ini.
Samtang, pahayag naman sang DICT nga may nakuha nga mga bag-o nga data ang mga hacker nga nagahuyo nga sudlon ang system sang Office of the President kag mga ahensiya sang gobyerno.
Suno kay Uy, ang mga datos nga ini ang na-hack sang 2018 tubtob 2022 nga gin-repost lamang kag ginapaguha sa karon sang mga hacker.
