Ginbalita sang Philippine Statistics Authority (PSA) nga milyon nga mga trabaho ang nadula sa sektor sang agrikultura sa pungsod.
Base sa pinakaulihi nga datos sang PSA, yara sa 1.6 million jobs ang nadula bangud sa naeksperyensyahan nga El Nino kag bagyo nga Aghon.
Samtang, nakaapekto man sa mga tripulante ang naeksperyensyahan nga tensyon sa West Philippine Sea.
Kaangtanan sini, gintalupangod ni National Economic and Development Authority ukon NEDA Secretary Arsenio Balisacan ang importansya sang pagpreparar sang pungsod kag mga suporta para sa mga mamumugon nga apektado sang mga pagtilaw kag kalamidad, ilabi na sa sektor sang agrikultura.
Subong man ang pagpauswag sa forecasting capabilities kag paghatag sang livelihood support program sa tion nga may mga pagtilaw.
