12-anyos nga dalagita ginaalegar ginmolestyahan sang 45-anyos nga lalaki nga ginapahayag may deperensya sa paminsaron

ROXAS CITY – Ginreklamo sang amay sang 12-anyos ang 45-anyos nga lalaki matapos ginaalegar ginmolestyahan ang iya bata sa isa ka coastal Barangay sa syudad sang Roxas.

Suno sa amay sang biktima, kaupod sini magtulog ang tatlo ka menor de edad nga mga kabataan, sang ginpukaw ini sang 12-anyos nga biktima kag nagsiling nga may lalaki nga nagsulod sa ila balay.

Ginapahayag nga ginkaptan sang suspek ang dughan sang biktima.

Madasig naman nagpangayo sang bulig ang amay sang biktima nga ginrespondehan sang mga kapulisan kag gindakup ang suspek.

Ginaalegar nga ang nasambit nga suspek ang may deperensya sa paminsaron.

Sa karon, hilway na sa Roxas City PNP matapos nga nagsettle na ang magtimbang nga bahin.