Nag-abot na ang 15 ka mga soldado sang France sa Greenland bilang kabahin sang isa ka misyon sa pag-usisa.
Ang eroplano nga ila ginsakyan naghugpa sa Nuuk, ang kapital sang Greenland.
Kaupod nila ang pila ka mga soldado nga ginpadala sang pila ka mga pungsod sa Europa pareho sang Germany, Sweden, Norway, The Netherlands kag ang United Kingdom.
Suno kay France President Emmanuel Macron, initial contingent lang ang mga ginpadala kag posible nga madugangan pa ini sa masunod nga mga inadlaw.
Ang nasambit nga lihok kasunod sang pagpamilit ni US President Donald Trump nga ang Artic Island isa ka semi-autonomous nga bahin sang Denmark.
Ginapanindugan ni Trump ang importansya sang pagbutang sang Greenland sa idalom sang ila kontrol para sa pungsodnon nga seguridad.
Ginpahayag man sini nga wala sang mahimo ang Greenland kon hinali sila nga masakop sang Russia ukon China.
