ROXAS CITY – Ginbalik na sang gobyerno probinsyal ang 16 ka mga rescue vehicles sa mga resipiyente nga barangay matapos nga ginmandu ini ni Governor Fredenil ‘Oto’ Castro.
Ini ang ginkumpirmar ni Mr. Eduardo Apaap, Provincial General Services Officers sang mainterview sang Bombo Radyo.
Ginsiling ni Apaap nga ginhikut kag ginpreparahan anay ang mga dokumento sang nasambit nga salakyan agud mangin husto kag legal ang paghatag sang deed of donation.
Suno diri, ginahatagan sang prayoridad ang yara sa coastal kag malalayo nga lugar nga mas nagakinahanglan.
Ginpaathag man sini nga indi na mahimo mabawi liwat ang amu nga salakyan bangud klaro nga gindonar na ini sang gobyerno kag pamatuod diri ang deed of donation.
Yari ang 16 ka mga kabarangayan nga nakabaton sang rescue vehicle:
Brgy. Matinabus, Sigma
Brgy. Amaga, Sigma
Brgy. Sinamongan, Pilar
Brgy. Cayus, Pilar
Brgy. San Fernando, Pilar
Brgy. Mangoso, Sigma
Brgy. Yating, Pilar
Brgy. Poblacion, President Roxas
Brgy. Viscaya, President Roxas
Brgy. Badiangon, President Roxas
Brgy. Bayuyan, President Roxas
Brgy. Poblacion Ilaya, Maayon
Brgy. Pinamalatican, Sigma
Brgy. Guinbi-alan, Maayon
Liga ng mga Barangay Sigma
PWD, Senior Citizen, Pilar
Panugyan ni Governor Castro sa mga kapitanes nga nagkuha sang yabi, nga gamiton sa insakto kag maayo ang amu nga salakyan kag indi paggamiton para sa personal nga interes.
Matandaan nga ginbawi sang gobyerno probinsyal ang nasambit nga salakayan bangud sa kakulangan nga dokumento.
