164 ka mga indibiwal, patay samtang masobra naman sa 971 ang pilason sa naglutad nga sunod-sunod nga pagtay-ug sang linog sa Venezuela

Nagdangat na sa indi magnubo sa 164 ang napatay kag masobra 971 ang pilason matapos ang serye sang mabaskog nga linog nga nagtay-ug sa Venezuela.

Suno sa United States Geological Survey (USGS), una nga nagluntad ang magnitude 7.2 nga linog malapit sa Caracas, ginsundan sang magnitude 7.5 wala pa isa ka minuto ang nakaligad.

Nagtuga ini sang pagkarumpag sang madamo nga mga building sa capital kag sa palibot nga mga lugar.

Padayon naman ang search and rescue operations bangud ginakabalak-an nga may mga tawo nga nalubong pa sa mga narumpag nga estraktura.

Nagpaandam naman ang United States Geological Survey nga posible maglab-ot sa linibo ang mga napatay bangud padayon nga gina-assess ang kadakuon sang kahalitan.