ROXAS CITY – Ginaalegar ginbastos kag gindala sa nagkalain-lain nga lugar sa syudad sang Roxas ang 17-anyos nga babayi antes gindul-ong sa ila puluy-an sang isa ka tricycle driver nga iya ginsakyan takna 7:30 kahapon sang gab-i.
Sandig sa pahayag sang amay sang biktima nga si tatay “Ponyot” ginkakibot sini nga gahilibion ang iya bata sang nagpauli sa ila balay kag sang iya ini gin- usisa ginsiling sini nga nagsakay siya upod ang iya classmate sa nasambit nga tricycle driver kun sa diin gindul-ong ini una sa Brgy. Cagay samtang ulihi naman siya nga gindul-ong sa Brgy. Banica.
Apang, ginkatingala sini nga lain ang dalanon nga ginasubay sang driver kag diri nagbuya sang mga bastos nga tinaga.
Suno diri, masuwerte nga nakuhaan sang litrato sang iya bata ang plate number kag operator sang tricycle nga nagaduag yellow.
Sa karon, desidido ang pamilya sang biktima nga pangitaon kag hatagan sang leksyon ang wala pa makilan-an nga tricycle driver.
