ROXAS CITY-Pilason ang 17-anyos nga lalaki matapos nga ginbuno sa Barangay Mahabang Sapa, Cuartero Capiz.
Ang nasambit nga biktima ang residente man sa amo nga lugar.
Sandig sa inisyal nga imbestigasyon sang Cuartero Municipal Police Station nagaguha nga samtang naga-inom ang biktima sa tindahan ni Tessie Bilano, hinali ini nga ginpalapitan sang suspek nga ginkilala nga si Richard Escoltero, 44-anyos residente sang amo man nga lugar kag ginbuno sang wala matumod nga matalum nga bagay.
Nag-angkon sang pilas sa kilid sang iya lawas ang biktima nga gindala sa Dao District Hospital kag padayon nga ginabulong.
Samtang ang suspek ang nadakpan man sa ginkasa nga hot pursuit operation sang mga kapulisan.
Mahibaluan nga lunsay yara sa idalom sang impluwensiya sang makahulubog nga ilimnon ang duha ka mga persona.
Daan nga hiligut-anon ang ginalantaw nga motibo sang mga kapulisan sa nasambit nga insidente.
