ROXAS CITY – Patay ang 18-anyos nga lalaki matapos bumunggo ang ginamaneho nga motorsiklo sa puno sang mahogany, alas 9:30 sang gab-I, Oktubre 24 sa National Highway sang Barangay Nasunogan, Dao, Capiz.
Ginkilala ang biktima kay Bryan Paul Siwala, residente sang nasambit nga lugar.
Sandig sa imbestigasyon sang Dao MPS, samtang ginasubay sang biktima ang dalanon sakay sa ginamaneho nga Bajaj nga motorsiklo padulong sa Dao town proper, apang pag-abot sa kurbadahon ginapahayag nadulaan sang kontrol sa manubela si Siwala bangud sa madanlog nga karsada nga gintunaan sang iya pagkatumba kag dumiretso nga nabunggo sa puno sang mahogany nga yara sa kilid sang karsada.
Bangud sa natabo, nag-angkon sang pilas sa magkatuhay nga parte sang lawas ang biktima kag madasig nga ginpadangat sang Dao Emergency Response Unit sa Dao District Hospital apang gindeklarar nga dead on arrival sang doktor.
