ROXAS CITY-Arestado ang duha ka mga drug watchlist matapos nga nadakpan sa ginkasa nga drug buybust operation nga ginkasa sang Station Drug Enforcement Team sang Roxas City Police Station kag Philippine Drug Enforcement Agency-Capiz sa Sitio Crossing, Barangay Cagay, Roxas City.
Ginkilala ang mga arestado nga sanday Rocky Rizon 27-anyos kag Rodiny Arabacan 36-anyos nga lunsay mga residente sang nasambit nga lugar.
Narekober sa posesyon sang mga arestado ang 11 tanan ka mga plastic sachets nga ginapatihan shabu, P1,000 nga buybust money, P1,000 nga boodle money, isa ka unit sang cellphone, kag mga drug paraphernalias.
Ginabulubanta nga P252,000 ang kabug-osan nga balor sang shabu nga narekober sa mga arestado.
Hugot naman nga ginpanginwala ni Arabacan nga sa iya nakuha ang mga shabu nga narekober sang mga kapulisan.
Suno kay Arabacan nga nagpadulong ini kay Rizon agud magbakal sang kahoy apang ginkakibot sini sang gindakup sang mga kapulisan.
Ginkompirmar man sini nga isa ini sa mga nadakpan sa ginkasa nga buybust operation sa Santa Barbara, Iloilo.
Aminado ini nga nagagamit sang iligal nga droga kag nagaduso sang iligal nga shabu.
