ROXAS CITY – Ginhilway na sa kustodiya sang Criminal Investigation and Detection Group (CIDG-Capiz) ang duha ka mga nadakpan nga peke nga mga dentista nga nagapatigayon sa illegal nga transaksyon sa syudad sang Roxas.
Suno kay Police Major Christopher Arthemius Devaras, hepe sang CIDG – Capiz, mahulog na lamang sa regular filing ang pagpasaka sang kaso batuk kanday Ma. Ernestina Villaron 27 anyos tumandok sang Barangay Jolongajog, Pontevedra, Capiz apang temporaryo nga nagatinir sa Brgy. Tanque sining syudad kag Floro alyas “Boy” Gadiano 63 anyos sang Barangay IX sining syudad.
Samtang, ginpahayag naman ni Dr. Jorge Lamier II, Presidente sang Philippine Dental Association (PDA-CAPIZ CHAPTER) nga madamo na sang reklamo nga nabaton ang ila nga asosasyon angut sa iligal nga transaksyon sang mga suspetsado.
Nahibaluan nga si Villaron ang iligal nga nagapangtakod sang braces, samtang si Floro ang madugay na nga nagatakod sang pustiso.
Wala naman sang may napakita nga dokumento ukon lisensya ang duha ka mga suspetsado agud nga mapamatud-an nga legal ang ila operasyon.
Mahimo nga magapangatubang sang panumbungon nga paglapas sa Republic Act 9484 ukon Philippine Dental Act of 2007 ang nasambit nga arestado.
Sa karon, nagapangatubang sang panumbungon nga paglapas sa Republic Act 9484 ukon Philippine Dental Act of 2007 ang duha ka nasambit nga mga suspek.
