CAMARINES SUR – Duha ka miyembro sang Philippine Army, lakip ang isa ka opisyal, ang napatay sa engkwentro sang tropa sang militar kag NPA sa nabukid nga bahin sang Balatan, Camarines Sur sang tinalikdan nga December 19, 2025.
Suno sa Camarines Sur Police Provincial Office (CSPPO), nagapatigayon sang Combat Battalion Operation ang mga miyembro sang 9th Infantry Battalion (9IB) kag 9th Infantry Division (9ID) sang Philippine Army, sa Brgy. Cabungan, Balatan, Camarines Sur sang naka-engkwentro sini ang indi pa matumod nga numero sang mga miyembro sang CTG-NPA.
Lakip sa napatay amo ang platoon leader nga may ranggo nga first lieutenant kag isa ka sarhento.
Pilason naman ang tatlo pa ka sarhento nga padayon nga ginabulong sa ospital.
Hugot man nga ginakondena sang 9ID ang pag-gamit sang ginaalegar anti-personnel mines sang NPA sa nasambit nga engkwentro nga nagalapas sa International Humanitarian Law.
Gilayon man nga nagpatigayon sang Checkpoint kag Chokepoint ang mga kapulisan sa mga posible exit points sang mga NPA.
Nagapatigayon man ang mga kapulisan sang pagcheck sa mga ospital agud mahibaluan kun may mga pasyente gikan sa engkwentro sila nga ginbaton.
