-- ADVERTISEMENT --
ROXAS CITY-– Duha ka ginapatihan nga miyembro sang rebelde nga grupo ang patay sa nagluntad nga engkwentro batuk sa militar.
Sa interview sang Bombo Radyo kay Lt. Col. Leonardo Peña, batallion commander sang 61st IB sang Philippine Army, nagluntad ang engkwentro sa Sitio Maknoy, Brgy. Jebaca, Maayon, Capiz.
Ang grupo sang ginatawag nga si Ka Reagan ukon Romulo Gangoso ang naka-engkwentro sang tropa sang gobyerno.
Padayun sa karon ang hot pursuit operation sang militar batuk sa nakapalagyo nga mga rebelde samtang ginahibalo pa ang identity sang duha ka mga napatay.
