Ginkumpirmar sang Philippine National Police Anti-Cybercrime Group nga nag-abot sa 208 nga mga social media pages ang na monitor sini nga nagabaligya sang mga palupok.
Gikan sa nasambit nga numero, nag-abot na sa 115 pages ang natake down sang nasambit nga grupo.
Kaangut sini ang nadakpan sang Philippine National Police Anti-Cybercrime Group ang duha pa nga individual nga nagabaligya sang palupok online.
Ini matapos nga maghiwat ang mga otoridad sang entrapment operation sa San Fernando, Pampanga.
Suno kay PNP-ACG director Police Brigadier General Bernard Yang, ang mga nadakpan nga indibidwal ang nagabaligya sang mga ilegal nga palupok online. Humalin Disyembre 6 tubtob 26, nadakpan na sang pulisya ang yara sa napulo ka indibidwal bangud sa pagbaligya sang nasambit nga sahi sang palupok.
