Arestado ang isa ka lalaki matapos mabaklan sang indi lisensyado nga armas-luthang kag nakuhaan sang iligal nga droga sa ginpatigayon nga buybust operation sa Barangay San Jose, Dumalag, Capiz.
Ginkilala ang nadakpan kay alyas Russell, 22-anyos nga residente sang nasambit nga lugar.
Nakuha sa paghinakop sini ang isa (1) ka unit sang .38 caliber nga armas, tatlo ka mga bala kag isa ka unidentified firearm, tatlo ka bala sang M16 kag P5,100 nga buybust money. Dugang pa nga nakuha sa suspek ang isa (1) ka sachet sang ginapatihan shabu kag mga drug paraphernalia.
Magapangatubang ang nasambit nga persona sa mga kaso nga paglapas sa Republic Act 9165 ukon Comprehensive Dangerous Drugs Act of 2002, RA 10591 ukon Comprehensive firearms ammunition regulation act kag ang pagbayolar sa Comelec Gun Ban.
Sa karon yara na sa kustodiya sang Dumalag PNP ang suspek para sa nagakaigo nga disposisyon.
