Posible nga makasuhan kag lifetime nga pagkapriso ang isa ka lalaki nga manugbulong matapos nakuhaan sang 24 ka mga kalabera sang tawo nga posible iya gingamit sa ‘human sacrifice’.
Suno pa kay Police spokesperson Patrick Onyango, ang suspetsado nga si Ddamulira Godfrey, kasuhan sa idalum sang Prevention and Prohibition of Human Sacrifice Act.
Magluwas sa nakit-an, nakakita liwat sila sang mga kalabera sa mga sapat sa shrine ni Godfrey sa suburbs sa capital Kampala.
Pahayag naman ni Godfrey nga isa ka albularyo kag herbalist apang wala siya ginrekonisar sa Traditional Healers’ Association sa amo nga pungsod.
Indi ini sunoa ng una nga higayon nga may mga nadiskubre nga kapareho sini bangud sa nakaligad nga bulan, narekober man sa kapulisan ang 17 ka mga kalabera sa tawo sa isa ka shrine gihapon sa central district sa Mpigi, 41-kilometers ang kalayuon nagikan sa Kampala.
