Magapatawag sang pagsinapol si Senate Committee on Foreign Relations Chairman Sen. Erwin Tulfo sa mga opisyal sang Department of Foreign Affairs (DFA) kag Department of Migrant Workers (DMW) may kaangtanan sa dapat himuon sa ginabanta 24 ka mga Pinoy seafarers nga nakasakay subong sa pila ka mga barko sang Russia.
Suno kay Sen. Tulfo, luyag niya mahibaluan kun ano ang mangin tikang sang DFA kag DMW para sa safety sang mga seafarers.
Ang impormasyon may kaangtanan sa numero sang Pinoy seamen nga ginpakigbahin ni Ukraine Ambassador Yuliaa Fediv kay Tulfo sang mag-courtesy call ang diplomat sa senador sang nagligad nga semana.
“I want DMW sana to find out kung itong mga seaman natin ay direct hire o dumaan sa manning agency dito sa atin,” suno sa senador.
Pahayag niya, kun nag-agi sa manning agency, may yara sang salabton ang kompaniya sa tion nga may matabo sa mga seafarers.
Apang kun mga direct hire ang mga ini, naghingyo si Tulfo nga magpauli na lang sila bangud delikado ang ila kabuhi.
