-- ADVERTISEMENT --
ROXAS CITY -Nagnegatibo sa COVID-19 rapid test ang 25 tanan ka mga Locally Stranded Individuals (LSI’s) nga nagpauli sa probinsya sang Capiz matapos nga nastranded probinsya sang Iloilo.
Ini ang ginkompirmar ni Mr. Dennis Saneo, Roxas City Disaster Risk Reduction and Management Officer sang mainterview sang Bombo Radyo.
Ginpahayag ni Saneo nga kalakip sa mga nagpalauli nga LSI’s ang 17 ka mga construction workers nga nastranded sa La Paz, iloilo, 5 ka mga magpamilya nga taga-Barangay Lawaan, 3 ka taga-Barangay Loctugan kag 1 nga taga-Barangay Adlawan.
Gindugang pa ni Saneo nga nagapaidalom pa sa karun sa 14-day quarantine sa mga Barangay Isolation Facilities ang nasambit nga mga LSI’s.
